CAPÇALERA PAIS INVISIBLE

Actualitats

Societat

Lo pòrt de la masca quita d’èsser obligatòri a partir de deman

Demorarà obligatòri dins los espacis publics interiors. Tanben caldrà contunhar d’observar las autras mesuras sanitàrias coma se lavar las mans e la distància de seguretat

| Willfried Wende

Tèxte legit

Lo pòrt de la masca quita d’èsser obligatòri en Occitània, franc d’Aran e de las Valadas, çò a anonciat lo primièr ministre francés, Jean Castex. En çò que tanh a la rèsta del territòri occitan, las autoritats dels estats espanhòl e italian poirián anonciar lèu la meteissa mesura e mai sián a esperar lo “moment oportun”.
 
La fin de l’obligatorietat del pòrt de la masca es una bona nòva per las fòrtas calors o los que lo supòrtan pas, e tanben pr’amor qu’aquò nos ditz que la situacion sanitària es a se melhorar.
 
Lo pòrt de la masca demorarà totun obligatòri dins los espacis publics interiors. Tanben caldrà contunhar d’observar las autras mesuras sanitàrias coma se lavar las mans e la distància de seguretat.
 
o director general francés de la santat, Jérôme Salomon, a explicat que lo nombre de cases de covid-19 davala dins l’estat francés amb mens de 5000 per jorn. Pasmens, vòl èsser prudent a l’ora d’eliminar las restriccions.

 
 
 



abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
8.

Totòm tomba l masca, levat los macronistas que vòlon pas dire que son de drecha ultraliberala.

  • 5
  • 0
Lo belet
7.

#4 ... mon diu que siàs piòt, la masca se carretja a recotin.
Me venguessas pas diser qu'o sabiás pas.

  • 0
  • 4
francesc palma
6.

Estam força contents de que no sia obligacion a Occitania de portar la mascareta.
Visca !!!!!

Quan l'erba fresch'e la folha par
e flors vos botonon el verjan,
e'l rossinhol autet e clar
leva sa votz e mou son chan,
joi ai de lui, e joi ai de la flor
e joi ai de me ................
Bernart de Ventadorn

Pos vesem de novel florir
prats e vergier reverdezir,
rius e fontanas esclarzir,
auras e vents,
Ben deu chascus lo joi gaudir
d'on es gaudents.
Guilhem de Peitieu

  • 2
  • 0
ltrobat
5.

#2 Los vaccins com lo Spotnic V, l'AstraZeneca o lo Janssen que son vaccins dab vector ADN.

Lo Moderna o lo Pfizer que son vaccins dab ARN messatgèr.
Quan èri au licèu (dens las annadas 80) tots los eslhèves de Terminau scientifica que sabèn l'ARN messatgèr ne podè pas penetrar lo nuclèu de las cellula (on se tròba precisament l'ADN) e donc ne podè pas interferar dab lo patrimòni genetic.
Lo contacte dab un ARN messatgèr qu'ei un fenomèn naturau. Quan gahatz ua malaudia virau (com la rinofaringiti, la gripa o duabuas anginas), qu'absorbatz ARN messatgèr.

  • 11
  • 0
Franc Bardòu
4.

La fin de *l’obligatorietat del *pòrt de la *masca ? *L'obligatorietat ?!! Es la *bravitud de Segolèna Reial, que lo vos a comunicat, aqueste neologisme tan pintoresc ? Perqué non pas parlar mailèu de la fin de l'obligacion ? del pòrt que siá de la bruèissa, o mai de la masca ?

Una masca, es un persona mascada, e mai que mai una bruèissa, lo mai clar del temps, non ?

Un pòrt, s'i estacan las naus, o ben i passan los mantanhòls entre doas montanhas, non ?

"Obligacion de portar masqueta" aquò m'auriá semblat mai clar. Supausi que s'agís de variacions dialectalas d'autenticitat autentica e que ieu, paure bolgre fau, non i entendi res, a l’obligatorietat del pòrt de la masca…

  • 3
  • 0

Escriu un comentari sus aqueste article